حرّاس الأرض

أضف رد جديد
توما بيطار
عضو
عضو
مشاركات: 346
اشترك في: الاثنين سبتمبر 09, 2013 7:17 pm

حرّاس الأرض

مشاركة بواسطة توما بيطار »

ياريت
ياريت مدّيت أيدي عالسما
وقطفتلّا هالنجمات
وكتبتْ رسالة ألم
وعطيتا لملاك، من جنبنا فات
وفيها أشرح لربي الحكايات
وقلتلو: ياملاك أبوس أيدك
بيد ربنا بالذات سلّما

وكتبتلو: ياربي هيك يرضيك؟
شعبي مشرّد
لقمتو مع العذاب يقْسما
ومن يوم يومو، وهوّي يصَلّيلك
وصوتو أكيد أكيد واصل للسما
ليش ياربي، ماعم تبعث دليل؟
أو شي رسمه حدا من عندك رسما

ويرد ربي يقول: ليش ماقريت الأنجيل؟
المسيح قالها، ولكل الناس عمّما:
راح تبقوا ياولادي للأرض حرّاس
وشكاويكم يوم تجوا، راح أستلما.
أضف رد جديد

العودة إلى ”܀ منتدى الشاعر توما بيطار“