قصة قصيرة عن الله بحياتك!

[إسحق القس افرام]

كان في شَبّ عَم بيفتّش وضايع، ليش ما عَم يقدر يفهم الله: شو بدّو الله منّه؟ ليش ما بيقلّي شو بَدّه منّي؟
راح لعند أحد الكهنة وخبّره عن كلّ يلّي بقلبه. هنّي وعم يتمَشّوا، وصل الكاهن لحدّ وردة، قطف مِنها قمر بعد ما فتّح، بيعطيه للشبّ، وبيطلب منّه يفتّحه بلا ما ينزعه أو يقطش أي ورقة من وراقه!
الشبّ تعجّب، شو خَصّ موضوعه بالوردة. بَس جرّب يفتّح الوردة، شاف إنّه صعبة يفتّحها من دون ما ينزعها.
ساعتها قلّه الأبونا: إنت بإيدَيك ما فيك تفتّح الوردة من دون ما تنزعها، بس الله بالوقت المناسب وبإيدَيه اللي خلق فيهُن كلّ شي، بيفتّح الوردة تَ يفوح عطرها ويظهر جمالها!
إذا إنت ما فيك تفتّح وردة من دون ما تنزعها، كيف متوقّع إنّك تفهم مشروع الله لحياتك قبل ما يصير الوقت المناسب؟
سَلّمه الوقت ومشروعَك، وتطلّع فيه بعيونَك هوّي بيعرف الأوقات، وجَرِّب إنت تفهم العلامات، وثق بحبُّه لإلَك وهوّي بيفتّح وردتَك بالعالم ليفوح عِطرَك ويتمجَّد إسم الرب بحياتَك، والله معك.

[سعاد نيسان]

ليتمجد اسم الرب
تودي على القصة

[سعاد نيسان]

ليتمجد اسم الرب
تودي على القصة