لماذا تتذمر على حياتك؟
مرسل: الثلاثاء سبتمبر 30, 2014 8:30 pm
كان مرة فى فلاح بسيط
كان يعتبر ابسط فلاح فى القرية و لكن كان كثير التذمر على الله .
كان كل يوم يقول ان كل الناس معاها فلوس الا انا دة مش عدل .
و فى مرة و هو شغال فى الحقل تعب فنام تحت شجرة كبيرة
و حلم انة ربنا بيكله
و قاله مالك انت زعلان منى ليه
رد علية الفلاح قالة كل الناس معاها فلوس الا انا
انا نفسى كل حاجة امسكها تتحول لدهب
و فعلا سمح ربنا بكدة و راح الفلاح يمسك بالفاس بتاعة علشان يكمل شغل
اتحول الفاس الى ذهب
فرح اوى اوى بقى كل ما يمسك حاجة تتحول لى دهب فرح
و قال انا لازم ابيع الحاجة دى
و لكن الاول هروح اكل علشان جعان
و لما جه ياكل مسك الاكل اتحول اللى دهب
و جة يمسك المياه اتحولت اللى دهب كان هيموت من الجوع و العطش
ثم قام الفلاح من نومة مفزوع
و قال لربنا انا اسف يارب مش هتذمر تانى
و بدا الفلاح يشتغل دون تذمر و ربنا فعلا وقف معاه و ساعدة كتير