أهدي قصيدتي هذه للأم بمناسبة عيدها
مرسل: الثلاثاء مارس 21, 2017 7:16 pm
يأمي
يما لو اعلك العشرة شمع يأمي
ما اوفيلج يوم
كليلي شنو من صبر
عندج مايخلص يوم
لو جاني البرد مايدفيني
غير حظنج الدافي موكثرة الهدوم
طرني الوكت وبعدني عنج
مادري الوم نفسي لو الوم الزمن
بس بعد ماينفع اللوم
صوتج صورتج دوم وياي
بحلمي وبصحوتي والنوم
انا بعدي عنج احس جني طفل
وجبروا على الصوم
لو اعلك العشرة شمع يم ريحة الطيبة
ما اوفيج ساعة مو يوم
زادت الاحمال على ظهري
واعرفت انت الي جنتي
عني تحملين الهموم
انت شمس حياتي بدونج سماي مطارة
وملبدة الغيوم
يوم يايمة ويايوم
صدق جذب اقضي العمر من شوفتج محروم
هي هاي قسمتي وهذا الي لية مقسوم
غدرتني يازمن وانا اشكي بالغربة لوعة المظلوم
انا بالبعد عنج يا أمي احس جني طفل
من الحنان مفطوم
احس جني طفل وجبروا على الصوم
انا مشتاك الشوفتج يايمة يانور العيون
ونار الشوك مشتعلة بقلبي دوم
لو اعلك العشرة شمع يايمة
ترى ما اوفيج ساعة مو يوم
تحياتي للجميع
بقلمي
رعد حداد
للامانة الادبية البيت الاول من القصيدة منسوب ل
Shamil Hissin