صوتٌ من الشرق ينادي . بقلم : فريد توما مراد
مرسل: الأربعاء ديسمبر 05, 2012 10:49 pm
صوتٌ من الشرق ينادي:
رايحينْ عا فينْ ؟
(باللهجة العاميّة)
رايحينْ عا فينْ وشايلينْ
الحسرة بقلوبكمْ ؟
رايحينْ عا فينْ والندم
بادي على عيونكمْ ؟
مَدري أيشْ صار عليكم
تَتفضّوا الديره علينا
ولاَّ مينْ مزاعلكم
تا هالحرقة تكوينا
روحوا الله يسامحكم
وأيشْ كان طالع بيدينا
لما ردنا نوقفكم
صرتوا بتشمتوا فينا
رايحينْ عا فينْ وشايلين
الحسرة بقلوبكم ؟
***
هالأرض اللي حبتكم
وشالتكم سنينْ وسنينْ
والشمس اللي عرفتكم
حَتشرقْ يا حسرة لمينْ
والدار اللي ضمّتكم
بين اللوعة والحنينْ
والأم اللي دارتكم
مين حَتلاقوا متلها مينْ
رايحينْ عا فينْ وشايلين
الحسرة بقلوبكمْ ؟
***
اللي بأرضو بينوَجعْ
الغربه ما راح تشفيهْ
واللي يدوّر عالدفى
البردْ ما حَيدفيهْ
واللي ناكر للوفى
الوفى مو راضي بيهْ
واللي يتوه عن دارو
الدنيهْ ما راح تكفيهْ
رايحينْ عا فينْ وشايلين
الحسرة بقلوبكم ؟
***
روحوا الله يسامحكمْ
وإذا بَدكمْ أنسونا
نحنا ما راح ننساكمْ
حتى لو نسيتونا
إنْ خطرنا عَبالكم
تبقوا بغنوه غنونا
وإن مَرْ طيفنا بخيالكمْ
أمانهَ تذكَّرونا !
رايحينْ عا فينْ وشايلينْ
الحسرة بقلوبكمْ ؟
***
روحوا تيهوا بهالدنيهْ
كيلوا بحارها عدّوا البشر
طيروا الطيور شمّوا الورود
أرتاحوا بمحطة سفرْ
صدقوني ما حَتلاقوا
ورده أحلى من الوطنْ
وما راحْ يمكن ترتاحوا
إلاَّ عَتراب الوطنْ
وراحْ أضلوا تشتاقوا
عا طول لشمس الوطنْ
رايحينْ عا فينْ وشايلينْ
الحسرة بقلوبكمْ ؟
رايحينْ عا فينْ والندمْ
بادي على عيونكمْ ؟
فريد توما مراد
ستوكهولم – السويد
5-12-2012
[/size]رايحينْ عا فينْ ؟
(باللهجة العاميّة)
رايحينْ عا فينْ وشايلينْ
الحسرة بقلوبكمْ ؟
رايحينْ عا فينْ والندم
بادي على عيونكمْ ؟
مَدري أيشْ صار عليكم
تَتفضّوا الديره علينا
ولاَّ مينْ مزاعلكم
تا هالحرقة تكوينا
روحوا الله يسامحكم
وأيشْ كان طالع بيدينا
لما ردنا نوقفكم
صرتوا بتشمتوا فينا
رايحينْ عا فينْ وشايلين
الحسرة بقلوبكم ؟
***
هالأرض اللي حبتكم
وشالتكم سنينْ وسنينْ
والشمس اللي عرفتكم
حَتشرقْ يا حسرة لمينْ
والدار اللي ضمّتكم
بين اللوعة والحنينْ
والأم اللي دارتكم
مين حَتلاقوا متلها مينْ
رايحينْ عا فينْ وشايلين
الحسرة بقلوبكمْ ؟
***
اللي بأرضو بينوَجعْ
الغربه ما راح تشفيهْ
واللي يدوّر عالدفى
البردْ ما حَيدفيهْ
واللي ناكر للوفى
الوفى مو راضي بيهْ
واللي يتوه عن دارو
الدنيهْ ما راح تكفيهْ
رايحينْ عا فينْ وشايلين
الحسرة بقلوبكم ؟
***
روحوا الله يسامحكمْ
وإذا بَدكمْ أنسونا
نحنا ما راح ننساكمْ
حتى لو نسيتونا
إنْ خطرنا عَبالكم
تبقوا بغنوه غنونا
وإن مَرْ طيفنا بخيالكمْ
أمانهَ تذكَّرونا !
رايحينْ عا فينْ وشايلينْ
الحسرة بقلوبكمْ ؟
***
روحوا تيهوا بهالدنيهْ
كيلوا بحارها عدّوا البشر
طيروا الطيور شمّوا الورود
أرتاحوا بمحطة سفرْ
صدقوني ما حَتلاقوا
ورده أحلى من الوطنْ
وما راحْ يمكن ترتاحوا
إلاَّ عَتراب الوطنْ
وراحْ أضلوا تشتاقوا
عا طول لشمس الوطنْ
رايحينْ عا فينْ وشايلينْ
الحسرة بقلوبكمْ ؟
رايحينْ عا فينْ والندمْ
بادي على عيونكمْ ؟
فريد توما مراد
ستوكهولم – السويد
5-12-2012
