قصة قصيرة عن المفتاح!

[إسحق القس افرام]

ثلاث شباب راحوا يشتغلوا برا بلادهم .. اضطروا للسكن بالطابق 75 لأنهم ماوجدوا شقة قريبة من الأرض .. وصاروا يصعدوا المصعد كل يوم
عامل المصعد قلهم انه المصعد بيتوقف من الساعة 10 مساء الى 5 الصبح ...
بليلة من الليالي اضطروا للعوده بعد الساعه 10 وجدوا المصعد مغلق فاضطروا للصعود مشي ع الدرج ...
بقى بدهم الوقت يمضي بسرعة اتفقوا كل واحد منهم يحكي 25 طابق .. فكان من نصيب الأول وهوي مرح وصاحب نكتة حكالهم حتى وصلوا للطابق 25 ..
واجا دور الثاني وهوي شخص جدي حكالهم بأمور جدية ملتزمة حتى وصلوا الطابق 50 .....
والآن اجا دور الثالث ..
قلهم انا قصصي كلها حزينة يمكن ما اسليكم .. قالولو لا أحكي المهم انقطع الوقت ...
وبلش يحكي يحكي حتى وصلو آخر طابق وهوي الطابق 75 .. قلهم انا خلصت قصصي بس لسى قصة محزنة أكثر كل القصص قالوله شو هيي ...
قلهن نسينا مفتاح الشقة مع البواب .....
أصدقائي ...
الاشخاص الثلاث نحن البشر ..
الطوابق 75 معدل عمر الانسان ..
من 1 ...... 25 مرح وفرح وهزل
25 ...... 50 حياة جدية وعمل وأمور مهمة
50 ...... 75 بعيد الشر عن الجميع أمراض وأحزان وتعب ....
أما المفتاح يلي نسيوه هوي مفتاح الملكوت ..
لا تخلي الفرح واللعب ولا الأمور الجدية وتأسيس مستقبلك ولاأمراضك واحزانك لاتخلي كل هالأمور تلهيك عن الله ... خلي الله هوي الأساس وهوي بساعدك وبزبطلك كل أمور حياتك.