الكنيسة والناس ..! بقلم . جوني لويس جبـرا

[ابن السريان]

Johny Louis Jabra
قـصــص ساخـــرة، هـادفـــــة
باللهجة العامية يكتبـهــا لكـــم
جوني لويس جبـرا

الكنيسة والناس

فـي يـوم من الأيـام لاحـظ الخـوري في الكنيـسـة إنه عــدد اللي بييجـوا ع الصـلاة واللي بيعترفـوا واللي بيحضـروا الإجتماعـات واللقاءات ومـدارس الأحـد، قليـل كثيـر لدرجة إنه الواحد بيقدر يعرفهـم نفـر نفـر، وبيقـدر حتى يعـرف أسماءهم وقديـش عمرهم وحتـى وين ساكنيـن وممكـن تتطـور الأمـور معـه ويعـرف شـو كـل واحـد لابـس، طبعـاً لأنه هالإيـام اللي بييجـوا ع الصلاة كثـار، حتى لـدرجة إنه ممكن نلاقي الخـوري بيصلي لحالـه.
المهـم .. وشـو بـدنـا بـ طولـة السيــرة، خطـرت ع بال أبـونا الخوري فـكرة كثيـر حلــوة، ولـو تعرفـوا شـو عمـل الأبونـا ..؟
طلـع أبونا الخــوري ع الكنيســة ودق الجــرس " جــرس الكنيســة أكيــد "، بــس هالمـرّة ع الطريقـة الحزايني " مثـل ما بيدقـه يـوم الجمعـة الحزينة "، طبعـاً النـاس استغـربـوا ..! وفكّـر كـل واحـد منهـم إنـه يـروح ع الكنيسـة بسـرعـة ويشـوف شـو فـي ..؟
اللي كـان بياكــل تـرك الأكــل، واللـي قاعــدة بتعـزّل البيــت تركـت التعـزيــل وركــاض ع الكـنيسـة، واللـي بيـدرس تـرك الـدراســة وقـال " الإمـتحـانـات لسـة مطـولـة ”، واللـي بـيـجهّــز حالــه لـيــروح ع الشـغــل قــال بـعـقـلــه " أي بــلا هـاليــوم .. خـلـيـنــي آخــذ إجــازة وبــروح ع الصـلاة أشــوف شــو اللـي صـايــر ”، واللـي عــم تــطــبــخ تــركـت الـطبـيـخ وقـالــت " يلـلا مــش ضـروري نـطـبـخ اليــوم خـلـيـنـا نـقـضـيـهـا نــواشــف ”، واللـي قاعــد بـيـقرا الجـريـدة رمـاهــا وقــال " خلــيـنـي أشــوف شــو صــار بالكنيســة، بـلا هالأخبـار اليــوم، أصـلاً مـا هـي أخـبـار بـايـتــة وقـديـمـة وكلهــا حــوادث وأمـوات، أي حتـى حـالــة الـطقـــس صـارت حـكـي فـاضـي، الـواحــد مــو عــارف يصـيّــف وللا يـشـتــّي ”، وهيـك صـاروا كــل النــاس جــوّا الـكنيسـة وبيـستنـوا يشوفـوا أبونـا الـخوري حتـى يسألـوه عـن اللـي صـار.
وطـلــع هـالأبــونـــا مــن جــوّا المـذبــح، واسـتــغــرب مـن هالـعــدد الخـيـالـي اللـي إجـا ع الـكنيسـة، رجـال ونسـوان، شبـاب وختـايــرة، حتـى الأطفــال، اللـي ماســك بـإيــد إمـه أو متعلـق بيـن إيديـن أبـوه.
وقال الأبـونا "أنا عـارف إنكم مستغربيـن، ونفسكـم تعرفوا ليش دقيت الجـرس اليـوم وبهالـوقت وبالطريقة الحزايني"، طبعاً الكل ساكت لدرجة إنه الواحد بيرمي الإبرة والكل بسمع صوتها مع إنه العـدد كبير، بس ماشالله عليهم ملايكة، بعكـس الأيام الثانية إللي بيكـون فيها خمس أو عشرة نفـار في الصلاة بـس صوتهم عـن مليـون واحد ولا كأنهم بالصلاة ولا حتى إنهم جايين يصلوا.
ما علينا .. المهـم هالأبونـا كمّل كلامه وقاللهـم :- " الكنيسـة ماتـت وصلاة الجنـاز اليوم الساعة عشـرة الصبـح " . طبعــاً هالنـاس ولا إلهــم خــص، كــل واحــد بيتطلـــع فــي الثـانــي، والأطفـال اللـي ماسـك شعـــــره، واللـي حاطـط أصبعـه فـي ثمـه أو ماسـك حلمـة ذانـه وبيفـرك فيها، وهيــك، ولا واحــد فاهـــم إشــي، بـس اللـي فاهـمينـه إنـه فـي شـي غـريــب راح يصيــر وهــو جنــاز الكنيسـة لأنهـا ماتـت، بـس كيـف مـا حـدا عـارف .
وبلشـت شركـات الإتصـالات تشتغـل .. أصلاً قليل لتلاقي عندها شغل، لأنــه أحنــا شعــب مــا بنحــب نحكــي كثيـر ومـا بنحمــل الخلويات إلا صدف، ونادر جــداً اللــي بتـلاقــي واحـد أو وحـدةً معـاهـم خلــوي أو إثنيــــن أو ثلاثـة. المهـم .. كل واحـد كــان فـي الكنيســـة خبّــــر قرايبة وأصحابه، حتى الناس اللـي مـا كـان يحكـي معهـم إلا كـل سنـه مرّة أو كـل سنتين أو حتـى مخـــزّن رقـمهـــم عنـده بــس منظـر، حكـا مـعهـم .. طبعــاً .. مـا هــو هــلأ خبــر عاجل والشـاطـر اللي بيـوصل هالخبـر لأكبــر عدد من النـاس وبأسـرع وقـــت، آه وللا شـو .. ما هـي الكنيسة اليوم بدهـا تتجنــز .
وصـارت الساعـة عشـرة الصبـح، ويـا محـلا هالكنيسة، ما فـي محـل الواحـد يقعـد أو يوقــف، أي حتـى الممــرات والسـاحـة مفـلليـن، والمـرّة هـاي قــدًام المذبـح فـي صنــدوق، والخــوري واقـف جنـب الصنـدوق وبينـادي ع الموجـوديــن وبيـقــول " تعالــوا نلقــي نظــرة أخيـــرة ع الكنيسـة " ومـا شـالله فـي هـاي اللحظـة هجمـوا النـاس، الشاطــر اللـي بيشــوف شـو فـي جـوّا الصنـدوق أسـرع مـن الثانـي، بـس الغريـب إنـه كــل واحـد كـان يتطلـع جــوّا الصنــدوق كان يشـوف حالـه، لأنـه أبـونـا كـان حاطـط مرايـة فـي الصنـدوق.
وبعـد مـا شـاف الكـل حالـه فـي الصنـدوق وقــف أبونـا ع المذبــح وقـال " اليــوم كــل واحـــد منـا شـاف حالـه فـي هــذا الصنـدوق، ما تستغـربــوا، لأنـه الكنيســة هـي جماعـة المـؤمنيـــن، وكـل واحــد منكــم هـو كنيسـة، وبحضــوركـم الصـلاة واتحادكـم مـع بعــض بتصيـروا كنيسة قويـــة كثيــر، وبعكــس هيــك إذا مـا إجيتــوا ع الصـلاة راح تمــوت الكنيســة وتتجنـز، بــس بحضـوركــم اليــوم أحييتـوا الـكنيسـة مـن جـديــد وخليتـوهــا كنيسـة قويــة فـي الوقـــت اللــي اجتمعتـوا فيهـا، فــي الوقـت اللـي الواحـد منا تـرك بيتـه وشغلـه ودراستــه وكـل الأمـور اللـي بيحبهـا عشــان ييجـي ع الصـلاة ".
............................
وانشـالله مـا أكــون طـوّلـت عليكــم .. بـس الحـدق يفهــم ..!

[إسحق القس افرام]

مشكور اخي الحبيب أبن السريان على هذه القصة الجميلة
الحقيقة أخي الحبيب اليوم بالذات وعندما انا خارج من الكنيسة التقيت مع نخبة من الأصدقاء وقلت لهم
اليوم نحن بحاجة ماسة إلى تغير او بحد ذاته التجديد داخل الكنيسة من رجال دين قديرين وقائدين
لكي نتمكن من جزب الناس(المؤمنين) إلى الكنيسة وبالأخص الشباب
واليوم أنا شخصياً اراها بنفس المنظار الي شافها الأخ جوني
فشكراً للكاتب ولنا جميعاً العمل من أجل رفع شئن الكنيسة عالياً
وفقكم الرب

[/color]

[سعاد نيسان]

هذا هو الحال تقريباً في بعض الدول الاوربية
فاابتعاد الناس على الكنيسة يؤدي الى موتهم
أولاً وموت الكنيسة ثانياً (كل واحد منكم هو كنيسة)
ابن السريان

[فريد توما مراد]

نعم نحن بحاجة إلى تجديد أنفسنا ( وليس الكنيسة )
ولكن كيف ؟ ومن أين نبدأ ؟ ومن هو المسئول ؟
اللاهوتيين أم العلمانيين ؟ جيل العهد القديم ، أم جيل
العهد الجديد ؟ تساؤلات وتساؤلات .... إشارات تعجّب
كثيرة ...وإشارات أستفهام أكثر ...
أنا برأيِّ الطرفين يتحمل المسئوليّة ...
يتوجّب التقارب الأكثر بينهما..
المشاركة الأكثر فعاليّة ، وعلى أعلى المستويات..
القرار الموّحد والمتفق عليه ..
وإلاَّ سنبقى ندور وندور حول أنفسنا دون جدوى .

شكراً لك أخي أبن السريان على نقل هذه القصة
المعبِِّرة والهدَّافة .

أخاك بالرب
فريد

[/size]

[ابن السريان]

سلام الرب معكم
أشكركم أخوتي الأحبة
مروركم أنار صفحتي
وردكم أغنى الموضوع والقصة
أجل الحل بيد الجميع وليس طرف واحد
لكن صادق قول الرب أنه آخر الأزمان
فيه يقل الأيمان فهو دليل على اقتراب قدومه
بركة الرب معكم