أغنية يا طير سلم على سوريا!

[إسحق القس افرام]

أغنية سلم على سوريا للفنان معن الدندشي

الى كل المغتربين خارج الوطن وداخله و(الله يحمي هالبلد)
ياطير سلّملي ع سوريّة
إهداء إلى كل سوري
يا طير سلملي ع سورية
ع ألب ودعتو بأراضيّا
بلادي الحنوني كل ما صليّت
بطلب ياربي تضل حاميا

سلّم ع حمص وبرج صافيتا
ع ألعة الحصن ومرمريتا
وع دير الزور وعالقامشلي
وعلى مية الحمّي وعلى جبلي
على إدلب وحرني وداريا

سلم عالحواش وع تنورين
وع ميسلون ومسعدة وبئين
تين السبيل ومحردة وبلودان
بصرى وحماه ومعرة النعمان
على تدمر ودرعا آشيّة

سلّم على النبك وعلى يبرود
وع صيدنايا وعلى جيرود
وع بانياس ومنبج وعفرين
جسر الشغور و أزرع وشلئين
وعالسويدا والدير عطيّة

سلّم عالغوطة وع صحنايا
ع دمر ودوما وسرغايا
عالرستن وطرطوس والحفّي
ع تل كلخ أرواد وصلنفني
عين المريدي وميّتا وفيّا

يا شام يا شام ما بأدر حنيني أوصفو
سر المحبي الناس كلها بتعرفو
ألبي...ألبي على نسمات هالغوطة ربي
وإلا ع حبك عيوني ما غفو

سلّم على الرقة وحلب والغاب
وعلى طوف شلالات تل شهاب
ومشتل حلو ومصياف وضعمرة
وعاللادئية وع رأس شمرا
عالشام حب الألب سوريّة
ياطير سلملي ع سوريّة وع ألب ودعتو بأراضيّا بلادي الحنوني كل ما صليّت بدعي ياربي تضل حاميّا
ولا يسعنا القول إلا الله يحمي سوريّة ورجال سورية ونساء سوريّة و(أخبار سوريّة).....
(أغنية للمطرب السوري معن دندشي)

[توما بيطار]

ملفونو اسحق :
في البداية أقدم اعتذاري إلى السادة أعضاء المنتدى وإلى القراء الأعزاء على غيابي الطويل , وانقطاعي المفاجىء عن المشاركة في المنتدى .
الأغنية كانت رائعة , أخذتنا في رحلة حالمة إلى ربوع سورية الحبيبة , الجريحة من غدر الأشقاء أولا" ومن الأغراب , وسوريا ألله حاميها .
مع حبي الكبير : توما بيطار

[إسحق القس افرام]

يا هلا ويا مرحبا بالطلة الرائعة
ولا يهمك أخي القدير وشاعرنا المقدام توما
انتم في القلب
سررت جداً لمدخلتكم النبيلة
بارككم الرب.

[بنت السريان]

أغنية جميلة ليحمي الرب سوريا وينقذ العراق من إيدي المجرمين

بنت السريان