كيلو كبدة فراخ متنضفة ومغسولة كويس ومنقوعة في مية ودقيق وعصرة ليمونه لمدة نص ساعة بعد كدا اغسليها تحت المية كويس وحطيها في مصفاه تنزل اي ميه فيها
حلة عالنااااار فيها مية مغليه حطي فيها بصلة ورق لورا حبهان رشة بسيطة من الفلفل الاسود وحطي الكبدة تتسلق وتستوي في المية لمدة خمس دقائق علي نااااا ر متوسطة
شيلي الكبدة من المية حطي في صنية تلات معلاق زيت ومعلقة كبيرة سمنة بلدي وحمري الكبدة فيها ورشي عليها
رشة من الملح والفلفل الأسود وقلبي الكبدة براحة عشان متتهريش منك حطيها في طبق وكليها بالعيش ومخلل وسلطة وطحينة أو اعملي جمبها مكرونه الف عافيه
