العرس منّو سهرة، العمادة منّا أكل طيّب، الجنّاز منّو بعدد الناس، والأوّل قربانة مش بالزفّة!

[إسحق القس افرام]

على المسيحيين فهم جوهر العمادة، الدفن والزواج، وغيرها من الأمور التي بدأت تأخذ منحى آخر غير ذاك الذي وضعته الكنيسة
كتب الخوري نسيم قسطون على صفحته
سؤال: كيف كان العرس؟
جواب: سهرة روعه!!
سؤال: كيف كانت العمادة؟
جواب: غدا طيّب كتير!!
سؤال: كيف كان الجناز؟
الجواب: إجا ناس كتير!!
سؤال: كيف كانت القربانة؟
الجواب: كانت متل العرس!!
أسئلة بتدلّ أجوبتا قديش صرنا بعاد عن الجوهر
العرس هوي الإكليل اللي بيصير بالكنيسة… وما بيكون ناجح إلّا إذا كان في جو صلا عن نية العريس والعروس!
العمادة هيي السرّ اللي بيرافقو سرّ التثبيت… وما بيكونوا ناجحين إلّا إذا البي والإمّ والعرّاب والعرّابة واعيين شو عم يعملو وليش
الجنّاز هوي الصلا عا نيّة الميّت ومش بس العزا أو الوقفة برّا… وليكون جنّاز روحي لازم يكون فيه خشوع وصلا!
القربانة هي أوّل مرّة بياخد فيها الولد سرّ الإفخارستيا… وما بتكون ناجحة إلا إذا الولد أو البنت تحضّرو صح وفهمو مين يسوع، هنّي وأهلهم واللي حواليهم
ما بيهم كم شخص حضر ولا قديش دفعو عا باقي التفاصيل اللي ما الها علاقة لا من قريب ولا من بعيد بجوهر…
ولا الكنيسة إلها علاقة بشو بيصير بعد من إشيا ما خصّها بالجوهر… فكل سهرة في أحسن منها وكل غدا أو عشا في أطيب منّو… وكل ديوان في ديوان غيرو… بس مش كل سرّ أو صلا رح يجي غيرها
بدها وعي!!
لكم القرار

[سعاد نيسان]

وهذا هو الصح
من له اذانان فليسمع
تودي ملفونو

[بنت السريان]

في عالمنا اليوم إنقلبت الموازين والكل منجرف نحو المظاهر والمجد الباطل